Қозоғистон бокс терма жамоаси бош мураббийи: "Ўзбекистон ҳозир биринчи рақамли"

- Мухлислар мунтазам равишда бизни Ўзбекистон билан таққослашади. Осиё чемпионатида улар асосий бўлмаган таркиб билан биздан ўзиб кетишди. Бу факт сизни ҳавотирга солмаяптими? 

- Келинг, терма жамоамизнинг сўнгги йиллардаги Осиё чемпионати натижаларига назар ташлаймиз. 2017 йили Тошкентда бўлган Осиё чемпионатида бизда 1 та олтин бўлган, ўшанда Ўзбекистондан 9 нафар чемпион чиққан. 2019 йили Таиландда Қозоғистон 2 та олтин олди. Икки йил ўтиб, БААда бизда умуман олтин медаль бўлмади. 2022 йили эса йигитларни мен бош мураббий сифатида олиб бордим ва биз уч нафар чемпионга эга бўлдик. Бу йил Таиландда биз 5 та олтин медаль қўлга киритдик. Бизда ўсиш бош деб ҳисоблайман. Аввалига битта, кейин иккита, ноль, уч ва яна беш. Келажакда фақат олдинга интиламиз. 

Энди Ўзбекистон билан рақобатга келадиган бўлсак. Сўнгги Олимпиада ва ЖЧлардан сўнг Осиё қитъаси етакчилик қилмоқда ва бу борада Ўзбекистон терма жамоаси биринчи ўринда. Сўнгги Осиё чемпионатида улар фақат қозоғистонлик боксчиларга ютқазишди. Ўзаро қарама-қаршиликда ҳисоб 6:6 бўлди. Ўзбеклар асосий таркибда қатнашишмади дейиш нотўғри бўлади. Улар яхши боксчилар билан келишди ва улар олдида биринчи ўринни олиш вазифаси турганди. Турнирда Ўзбекистон чемпиионатининг кўплаб ғолиблари қатнашишди", - деди Сатжанов.