Қозоғистон президенти мамлакат спортчиларининг Токиодаги иштирокига баҳо берди

"Токиода бўлиб ўтган Олимпия ўйинларида Қозоғистондан 93 спортчи қатнашди. Ғалаба иродаси ва маҳорат кўрсатган спортчиларга миннатдорчилик билдираман. Олимпиаданинг бронза медал совриндорларини табриклайман, бу уларнинг узоқ йиллик машаққатли машғулотларининг меваси. Бироқ, саккизта бронза медали ва умумжамоа ҳисобида 83 ўрин, бу Қозоғистоннинг спорт салоҳиятига ва давлатнинг спортни ривожлантиришга қўшаётган катта маблағига тўғри келмайдиган натижа бўлди. Биз Токио Олимпиадасидан сабоқ олишимиз ва Париждаги навбатдаги ўйинларда одамларнинг умидларини оқлайдиган натижаларга эришишимиз керак",-деб фикр билдирган Қозоғистоннинг биринчи рақамли шаҳси.