Қозоғистон терма жамоаси машғулотларни бошлади

Гиламда ўтказилаётган машғулотларни узоқ вақт давомида карантинда бўлган курашчилар катта хурсандчилик билан қарши олишди. Ўқув-машғулот йиғинида асосий эътибор техникани ошириш, янги усулларни ўзлаштириш, тана жисмоний тайёргарлигини талаб даражасига олиб чиқишга қаратилмоқда.

Шунингдек, машғулотларда спарринг курашларига ҳам алоҳида урғу берилаяпти. Чунки, курашчилар деярли ярим йил давомида фақат уй шароитидаги жисмоний машғулотлар билан кифояланишган эди. Ушбу йиғин декабрь ойида Сербияда ўтказиладиган жаҳон чемпионатига тайёргарлик босқич вазифасини ўтаб беради.