09 июл 23:14
Янгиликлар

Теннис

Қозоғистонлик Елена Рибакина "Уимблдон" чемпиони!

Икки ҳафта давомида Лондон кортларида бўлиб ўтган "Уимблдон" турнирнинг аёллар ўртасидаги баҳслари ўз якунига етди.

Қозоғистон шарафини ҳимоя қилган жаҳоннинг 17-ракеткаси Елена Рибакина "Уимблдон" финалида WTA рейтингида иккинчи ўринни эгаллаб турган тунислик Онс Жаберни 3/6, 6/2, 6/2 ҳисобида мағлуб этди ва мавсумнинг учинчи "Катта Дубулға" турнири чемпионига айланди.

Учрашув 1 соату 48 дақиқа давом этди. Шу тариқа спортчиларнинг ўзаро учрашувларида ҳисоб тенглашди - 2:2.

Рибакина рейтинг очколари берилмайдиган ушбу турнир чемпионлиги учун 2 000 000 фунт стерлинг мукофот пули олади. Финалчи Жабер эса 1 050 000 фунт стерлинг олади.