24 июл 13:52
Янгиликлар

Бокс/ММА

Қозоғистонлик тажрибали жангчи Шоҳасан Мирзаматовга "вызов" ташлади

Теглар : Шоҳасан Мирзаматов Георгий Кичигин

Яримўрта вазнда қозоғистонлик аралаш яккакураш устаси Георгий Кичигин (28-10) ўзбекистонлик Шоҳасан Мирзаматовни (10-2) жангга чорлади.

22 июль куни Қозоғистоннинг Олма-Ота шаҳрида Octagon 47 турнири ташкил этилган эди. Мусобақада эронлик Акбар Азади-Фарга (4-1) қарши жанг қилган Шоҳасан Мирзаматов биринчи раунддаёқ рақибини чуқур нокаутга учратиб, ғалаба қозонганди.

Қозоғистонлик Георгий Кичигин мазкур жангдан сўнг ҳамюртимизни жангга чорлади:

"Шоҳасан, сен энг кучсиз рақибларни ютиш мухлисисан. Агар сен навбатингни кутмоқчи бўлсанг, унда беҳуда. Сени мен жангга чақираман. Чемпиондан хабар йўқ. Бу мен сени мағлуб этадиган медиа жангдир!", - деб ёзган Кичигин.

Маълумот учун, Георгий Кичигин сўнгги бор 27 май куни Octagon 45 мусобақаси доирасида бразилиялик Нилсон Оливейра билан жанг қилиб, зафар қучган эди. У фаолияти давомида ACA, ONE FC каби лигаларда жанг қилган.