Қозоғистонлик уч боксчининг Олимпиадада медаль олиши тахмин қилинди

Россиянинг "неКАРАтэ" Youtube-канали асосчиси ён қўшниларимизнинг бўлажак олимпия ўйинларидаги медаллар учун имкониятини чамалади. 

"Бибосинов, Сабирхан ва Шимбергенов. Мана шу уч қозоқ боксчисининг Париж Олимпиадасидан медаль билан қайтишини тахмин қиляпман. Қолган йигитларга ҳурматни сақлаган ҳолда, уларга ўз устиларида ишлашлари кераклигини маслаҳат бераман", — деди россиялик мухбир. 

Маълумот учун, айни пайтда Қозоғистон терма жамоасининг етти нафар боксчиси Олимпиада йўлланмасини қўлга киритиб улгурган: Сакен Бибосинов (51 кг), Маҳмуд Сабирхан (57 кг), Асланбек Шимбергенов (71 кг), Нурбек Оралбай (80 кг), Айбек Оралбай (92 кг), Камшибек Кункабаев (+92 кг) ва Карина Ибрагимова (57 кг).