Қозоғистонлик ёшлар ўртасидаги Олимпиада чемпиони автоҳалокатда вафот этди

Бу ҳақда унинг дўсти Нурболат Абдуалиев хабар берди.

"Мухамбет бир неча кун олдин автоҳалокатда вафот этди. Содир бўлган воқеа учун ким айбдор эканлиги номаълум.

Биз бу ҳақда кечагина билиб олдик. Ҳозир унинг жасадини уйига олиб келиш устида ишлаяпмиз. Худо хоҳласа, икки-уч кун ичида жасади етказилади".

Tengri Sport нашри хабарига кўра, Мухамбетнинг ўлими ҳақидаги хабар 19 март куни Қозоғистоннинг Нью-Йоркдаги консуллигига келиб тушган.

2 январь куни Мухамбет 27 ёшга тўлганди. 2018 йилда у профессионал спортни тарк этган ва сўнгги икки йил давомида Филадельфияда яшаган.