26 июл 09:33
Янгиликлар
Теннис
Қозоқ теннисчисини тўхтатиб бўлмаяпти, у финалда!
Австриянинг Китцбюэл шаҳрида ўтказилаётган теннис бўйича ATP турнири якунига етиб бормоқда.
Дунёнинг 30-ракеткаси бўлиб турган Александр Бублик учун ушбу мусобақа ҳам омадли келмоқда. Қозоғистонлик теннисчи 1/2 финалда ATP рейтингида 103-поғонада бораётган нидерландиялик Ботика ван де Зандшулпни 6/3, 6/4 ҳисобида мағлубиятга учратди. Бублик теннисчиларнинг ўзаро учинчи учрашувига келиб Ботикани мағлуб эта олди - 1:2.
Етмиш тўққиз дақиқа давом этган баҳсда иккала теннисчи ҳам 3 тадан эйс зарбасини амалга оширган. Энди қозоқ теннисчиси бош соврин учун франциялик Артюр Казога қарши кортга чиқади. Бу Казо учун илк финал бўлади. Бублик эса ўтган ҳафта Швейцариянинг Гштаад шаҳрида ўтказилган турнирда чемпион бўлган эди.
Ҳавола :
Манба : gotennis
Фикрлар