Қудратилло Абдуқаҳҳоров бўлажак рақиби ҳақида қандай фикрда?

Мағлубиятсиз одимлаётган чарм қўлқоп устамиз www.olamsport.com сайти мухбири билан суҳбатда бўлажак рақиби ва машғулотлар ҳақида гапирди.

«Жанг санаси ва рақиб аниқ. Хавьер Флорес ҳақида аввал эшитмаганман. Ҳозирги кунда мураббийларим билан биргаликда рақибни ўрганмоқдамиз. Флорес чапақай, шунинг учун асосан чапақай боксчилар билан спарринглар ўтказишга ҳаракат қиляпмиз. Рақибни ўрганиш жараёнида унинг зарбаси кучли эканлигига гувоҳ бўлдик, шундан келиб чиққан ҳолда ҳимояни кучайтиришга алоҳида эътибор қаратилмоқда. Шу жумладан, ўзимнинг ҳам зарбаларим кучини ошириш устида ишлаяпмиз», - деди Абдуқаҳҳоров.

Эслатиб ўтамиз, Қудратилло Абдуқаҳҳоров айни пайтда Эролл Спенсга тегишли бўлиб турган IBF чемпионлик камарига расмий даъвогар ҳисобланади.

Сарвиноз Рахмонқулова cуҳбатлашди