06 июл 10:10
Янгиликлар
Бокс/ММА
Қудратилло Абдуқаҳҳоров иштирокида камар учун кечган жанг муддатидан аввал якунланди + ФОТО
Россия Федерациясининг Екатеринбург шаҳрида RCC Boxing промоутерлик компаниясининг навбатдаги профессионал бокс оқшоми ташкил этилди.
Оқшом доирасида ҳамюртимиз Қудратилло Абдуқаҳҳоров (21-5-0, 13 КО) россиялик мағлубият ва муроса нималигини билмай келаётган Вадим Туков (16-0-0, 7 КО)га қарши рингга кўтарилди. Ўрта вазн тоифасида 10 раундга мўлжалланган жанг WBA Gold камари учун кечди.
Жангнинг еттинчи раунддида Туков кучли зарба эвазига Қудратиллон мувозанатдан чиқарди. Абдуқаҳҳоров раундни якунлаб олиш учун ўзида куч топа олди. Лекин унинг секундантлари боксчимизни саккизинчи раундга чиқишига рухсат беришмади.
Бунга чарм қўлқоп устамизнинг елкасидан олган жароҳати сабаб бўлгани айтилмоқда. Вадим Туков ғалабали сериясини 16 тага етказиб олган ҳолда WBA Gold камарига эга чиқди. Абдуқаҳҳоров эса фаолиятидаги бешинчи мағлубиятини қабул қилиб олди.
Ҳавола :
Фикрлар