20 окт 09:21
Янгиликлар

Бокс/ММА

Қудратилло Абдуқаҳҳоров: “Яна битта жангдан сўнг чемпионлик олтин камари учун рингга чиқаман”

Профессионал бокснинг ўрта вазн (66.7 кг) тоифасида WBC Silver чемпионлик камари соҳиби Қудратилло Абдуқаҳҳоров 18 ноябрь куни АҚШнинг Невада штати Лас-Вегас шаҳрида фаолиятидаги ўн учинчи жангини ўтказади.

Шу кунларда Қудратилло яна бир профессионал боксчимиз Азизбек Абдуғофуров билан бирга бўлажак жангига тайёргарликни Филиппин пойтахти Манила шаҳрида олиб боряпти.

“Машғулотимиз 15 ноябрга қадар давом этади ва шу куни дўстим Азизбек билан бирга АҚШга жўнаб кетамиз. Машғулотларни мураббийимиз Илгар Алиев қўл остида ўтказяпмиз. Иккимизнинг жангимиз ҳам 18 ноябрь куни Лас-Вегас шаҳрида бўлиб ўтади.

Шу кунларда бўлажак жангдаги рақибларимиз ва жангнинг неча раунд бўлишига ойдинлик киритилади. Бу АҚШ заминидаги илк жангим бўлади. Мана шу жангни ғалаба билан якунлаб олсам, кейингиси чемпионлик олтин камари учун кечади”, - дея сайтимизга интервью берди чемпион боксчимиз.

Маълумот учун, Қудратилло Абдуқаҳҳоров бугунги кунгача 12 та жанг ўтказган ва уларнинг барчасида ғалаба қозонган. Ушбу жангларнинг 8 тасида у рақибларини нокаутга учратган.

Ҳавола :

Манба : olamsport.com

Рейтинг: +2