Қудратилло Абдуқаҳҳоровнинг навбатдаги рақиби ва жанг санаси маълум

Olamsport.com сайтига маълум бўлишича, Қудратилло навбатдаги жангини 17 март куни Малайзияда ўтказади. Ўша кунги жангда боксчимизга венгриялик Ласло Тот рақиблик қилади. Маълумот учун, венгриялик боксчи фаолияти давомида профессионал рингда 29 маротаба жанг ўтказиб, уларнинг 25тасида ғалаба қозонган (17та нокаут). Учта жангда эса мағлубиятга учраган. Жангларнинг биттасида дурангга эришган.

Қудратилло эса 13та жанг ўтказиб, уларнинг барчасида ғалаба қозонган. 9тасида у рақибларини нокаут эвазига мағлуб этган.

Таққослаш учун, Қудратилло айни пайтда WBC рейтингида 6, WBA да 6, IBF да 7, vRinge рейтингида эса 10-ўринни эгаллаб турибди.

Тот эса IBF рейтингида 15-поғонани банд этган. Қолган йўналишлар бўйича рейтингда кучли 15ликда унинг номи қайд этилмаган.

Эслатиб ўтамиз, аввалроқ Қудратилло 24 февраль куни АҚШда жанг қилиши ҳақида маълум қилинганди. Аммо, бугунги кунга келиб, унинг режалари ўзгарган ва боксчимиз навбатдаги жангини Малайзияда ўтказади.