Қудратилло Абдуқаҳҳоровнинг навбатдаги рақиби ва жанг санаси маълум бўлди

Яримўрта вазн тоифасида жанг қилиб келаётган ўзбекистонлик профессионал боксчи Қудратилло Абдуқаҳҳоров (18-1) январь ойида Olamsport.com сайтига берган интервюсида февраль ойида жанг қилишини айтиб ўтган эди.

Маълум бўлишича, Абдуқаҳҳоров 25 февраль куни Миннеаполис штатида (АҚШ) жойлашган Armory аренасида ташкил этилаётган бокс оқшомида рингга кўтарилади. Ушбу бокс кечаси Premier Boxing Championship промоутерлик компанияси томонидан ташкиллаштирилмоқда. Абдуқаҳҳоровга ўша куни америкалик Ви Шон Оуенс (13-3) рақиблик қилади.

Маълумот учун, мазкур бокс оқшомининг марказий жангида аргентиналик Иеремия Понче (30-0) пуерто-риколик Матиас Субриелга (18-1) қарши рингга кўтарилади. Ушбу жанг биринчи яримўрта вазнда IBF чемпионлик камари учун ўтказилади.

Эслатиб ўтамиз, Абдуқаҳҳоров сўнгги бор 2021 йил 11 декабрь куни канадалик Коди Кроулига (21-0) қарши жанг қилиб, ҳакамлар қарорига кўра мағлуб бўлган эди.