13 июн 15:43
Янгиликлар

Теннис

Радукану уч йиллик танаффусдан кейин яна Британиянинг биринчи ракеткаси

US Open-2021 чемпиони Эмма Радукану Лондонда давом этаётган WTA 500 турнири якунига етгач, Буюк Британиянинг биринчи ракеткасига айланади.

У рейтингда ватандоши Кэти Болтердан ўтиб кетади. Болтер Лондондаги турнирнинг иккинчи даврасида россиялик Диана Шнайдерга ютқазиб қўйди. Ҳозир WTA рейтингида 34-ўринни эгаллаб турган Кэти камида 39-поғонага тушиб кетади. Радукану эса онлайн рейтингда 36-ўринда бормоқда.

Таъкидлаш жоиз, Радукану ва Болтер айнан Queen’s Club турнирининг жуфтлик баҳсларида биргаликда иштирок этишаётганди. Улар 1/4 финалда украиналик Людмила Киченок ва Янги Зеландия вакиласи Эрин Рутлиф ҳамкорлигига 2/6, 5/7 ҳисобида имкониятни бой беришди.

Эмма 2022 йилнинг августидан шу кунгача Британиянинг иккинчи ракеткаси бўлиб келаётганди. Радукану Лондон турнирининг яккаликдаги 1/4 финалига чиққанидан кейин камера экранига шундай сўзларни ёзди: "Яшасин Болтеркана!"