RAF 5. Ромерода мағлубият, Ковингтонда ғалаба + ФОТО

Эркин кураш қоидалари бўйича ўтказилган RAF 5 турнири доирасида бир неча таниқли UFC жангчилари ҳам гиламга чиқди. Улар орасида Арман Царукян, Йоэль Ромеро, Колби Ковингтон сингари машҳур аралаш яккакураш усталари ҳам бор эди. 

Жумладан, 48 ёшли Ромеро ёш курашчи Стивен Бюкененга имкониятни бой бериб қўйди. Стивен муддатидан олдин 10-0 ҳисобида зафар қучди. 37 ёшли Колби Ковингтон эса турнирнинг марказий жангида 41 ёшли Люк Рокхолдни ишончли тарзда мағлуб этди. Жанг Ковингтон фойдасига 12-0 ҳисобида якунланди.

Эслатиб ўтамиз, оқшом доирасида Арманистон ва Россия шарафини ҳимоя қилаётган енгил вазн тоифаси UFC рейтингининг биринчи рақамли жангчиси Арман Царукян  америкалик Ленс Пальмерни муддатидан аввал мағлубиятга учратди. Арман жангчиси рақибини устунлик билан ортда қолдирди ва 10-0 ҳисобида ғалаба қозонди.