20 ноя 11:59
Янгиликлар

Теннис

Рафаэль Надаль 20 йил деганда илк бор Дэвис Кубогида ютқазди

Дунёнинг 154-ракеткаси бўлиб турган Рафаэль Надаль Дэвис Кубоги доирасидаги учрашувда ютқазиб қўйди.

Испаниялик афсона 1/4 финалда ATP рейтингининг 80-поғонасида бораётган нидерландиялик Ботика ван де Зандшульпга имкониятни бой берди - 4/6, 4/6. Рафа 2004 йилдан кейин илк бор Дэвис Кубогида мағлубиятга учради.

Эътиборлиси, Надаль бундан роппа-роса 20 йил аввал чехиялик Иржи Новакдан енгилганди. Ўшандан бери у яккалик баҳсларида 29 та учрашув ўтказиб, барчасида зафар қучиб келаётган эди. Надаль Испания терма жамоаси билан 2004, 2008, 2009, 2011 ва 2019 йилларда Дэвис Кубогини қўлга киритган.