05 июл 09:51
Янгиликлар

Теннис

Рафаэль Надаль "Уимблдон"да 1/4 финалга чиқди

Лондон шаҳрида теннис бўйича "Катта Дубулға" туркумига кирувчи "Уимблдон" турнири давом этмоқда.

Дунёнинг тўртинчи ракеткаси Рафаэль Надаль мусобақага бош даъвогар сифатида қолмоқда. Испаниялик теннис юлдузи нимчорак финал учрашувида ATP рейтингида 25-поғонадан жой олган нидерландиялик Ботик ван де Зандшульпни 6/4, 6/2, 7/6(6) ҳисобида мағлуб этди.

Икки соату 24 дақиқа давом этган баҳсда Надаль 9, Зандшульп 11 та эйс зарбасини амалга оширди. Теннисчиларнинг ўзаро учрашувларидаги ҳисоб 2:0 кўринишига келди. Энди Надаль The Championships турнирининг чорак финалида америкалик Тэйлор Фритцга қарши кортга чиқади.