Раҳматжон Рўзиохунов медаллар сифати бўйича Қозоғистондан ўтиш ва Асилбек Жалиловнинг мағлубияти ҳақида гапирди

Асосий рақибимиз Қозоғистон. Лекин бошқа давлатлардан ҳам бир нечта номдор боксчилар чиқади. Бошқа жамоаларда ҳам кучли боксчилар бўлмаса боксни кераги йўқ. 

Тўғри, ярим финалгача қозоғистонликлар кўпроқ етиб келди. Медаллар сифати бўйича улардан ўтиб кета оламизми? Буни ҳаммаси Аллоҳдан. Кўпроқ олтин медаль олиб умумжамоа ҳисобида биринчи бўлиш учун ҳаракат қиламиз.

- Шаҳзод Музаффаров ва Асадхўжа Мўйдинхўжаев ҳам қозоқ боксчиларига қарши жанг қилади. Ҳар икки боксчимиз учун бироз жиддийроқ рақиб. Бу жанглар ҳақида нима дея оласиз?

- Қозоғистон жуда яхши таркиб билан келган. Ўйлайманки, йигитларимиз уларга қарши яхши жанг кўрсатади.

- Асилбек Жалиловдан кўпроғини кутган эдик...

- Асилбек Жалиловни мағлубиятига келадиган бўлсак, рақиби - қозоғистонлик боксчи анча тажрибали эди, Асилбек жангга руҳан тайёрлана олмади. Жалилов ҳали жуда ёш. Яна меҳнат қилиб ўзини кўрсатади деган умиддамиз.