04 апр 15:28
Янгиликлар

Бокс/ММА

Рамазон Темиров билан жамоадош қирғизистонлик спортчи захира жангчиси сифатида UFC'га қўшилди

Аралаш якка кураш устаси Уран Сатибалдиев энди UFC'да фаолият олиб боради.

У эртага тонгда бўлиб ўтадиган UFC Fight Night турнирида октагонга кўтарилади.

Сатибалдиев захира номзоди сифатида словакиялик Мартин Будай билан тўқнаш келади. Будай аслида Кеннеди Нзечукву билан жанг қилиши керак эди.

Қирғизистонлик спортчи фаолияти давомида 9 та жанг ўтказиб, уларнинг барчасида ғолиб бўлган. У ярим оғир вазн тоифасида LFA Лигасининг амалдаги чемпиони эди. Уран шунингдек, ўзбекистонлик Рамазон ва Азизбек Темировлар шуғулланадиган Team Alpha Male залида машғулотлар олиб боради.