Рамазон Темировнинг вазн рейтингида бир нечта ўзгариш бўлди

Жумладан, ҳамюртимиз Рамазон Темиров жанг қилаётган энг енгил вазн тоифаси рейтингида бир нечта ўзгариш кузатилди. 

Амир Албази бир поғонага юқорилаб, 9-ўринга жойлашди. Брендон Морено эса аксинча, 9-ўриндан 10-поғонага тушди. Айнан UFC 332 турнирида қаторасига саккизинчи ғалабасини қўлга киритган мағлубиятсиз Иманоль Родригес Топ-15 рейтингида дебют қилди. Родригес Олден Кориани биринчи раунддаёқ нокаутга учратган эди. 

Япониялик аралаш яккакураш устаси Рэй Цуруя ҳамда америкалик Чарльз Жонсон бир поғонадан пастлашди. Вазн чемпиони мьянмалик Жошуа Ван бўлиб турибди. Манель Капе рейтингнинг биринчи поғонасидан жой олган. Собиқ чемпион Александр Пантожа иккинчи, Брендон Ройваль эса учинчи ўринни банд этган.

Рамазон Темиров 7-ўринни ўзида сақлаб қолди. Ҳамюртимиз 24 октябрь куни БАА пойтахти Абу-Даби шаҳрида ташкил этиладиган UFC 333 турнирининг аҳамияти жиҳатидан учинчи жангида англиялик Лонье Каванага қарши октагонга чиқади. Кавана ҳам рейтингнинг 6-поғонасида қолди.