07 апр 13:52
Янгиликлар

Бокс/ММА

Рамазон Темировнинг вазнидаги чемпионга янги жанг берилди — манба

Ўта енгил вазн тоифасида амалдаги UFC чемпиони Александр Пантожанинг кейинги рақиби ҳақида маълумотлар пайдо бўлди.

Хорижий ОАВда тарқалган маълумотларга кўра, Пантожа 28 июнь куни Лас-Вегас шаҳридаги T-Mobile Arena'да ташкил этиладиган UFC 317 турнири доирасида октагонга кўтарилади.

Унга ўша куни Янги Зеландия вакили Кай Кара-Франс рақиблик қилиши режалаштирилган.

Бу Пантожа учун чемпион сифатидаги учинчи ҳимоя жанги бўлади.

Мазкур вазн тоифасида фаолият юритувчи ўзбекистонлик Рамазон Темиров айни дамда UFC рейтингида 13-ўринни банд этиб турибди.