13 окт 17:17
Янгиликлар

Бокс/ММА

Рамазон Темировнинг вазнидаги мьянмалик спортчи UFC камари учун жанг қиладиган бўлди

Ўта енгил вазн тоифасида амалдаги UFC чемпиони, бразилиялик аралаш якка кураш устаси Александр Пантожанинг кейинги рақиби маълум бўлди.

У жорий йилнинг 6 декабрь куни АҚШнинг Лас-Вегас шаҳридаги T-Mobile Arena мажмуасида ташкил этиладиган UFC 323 турнири доирасида Мьянма вакили Жошуа Ван билан баҳс олиб боради.

Ван айни дамда ўта енгил вазн тоифасидаги UFC рейтингида биринчи ўринда бормоқда.

Ёдингизда бўлса, мазкур дивизионда ўзбекистонлик атлет Рамазон Темиров ҳам рейтингдан жой олганди. Бироқ ҳамюртимиз дисквалификация жазосини олганидан сўнг рейтингни тарк этди.