04 май 12:50
Янгиликлар
Бокс/ММА
Рамон Карденас: "Иноуэни иккита қўли ва икки оёғи бор, менда ҳам шундай"
Америкалик Рамон Карденас (26-1, 14 КО) мутлақ жаҳон чемпиони Наоя Иноуэ (29-0, 26 КО) билан жанги ҳақидаги фикрлари билан ўртоқлашди.
"Унинг ҳисобида 29 ғалаба ва ундаги 26 та нокаут бор. Қаттиқ зарба беришини ҳамма билади. Рекордининг ўзи гапиради. Жангда яхши ҳолатдаги Иноуэни кутаман. У тўрт йилдан бери Қўшма Штатларга келмаганди. Мен унинг жангини ва ҳамма нарсага қодирлигини кўрсатишини кутяпман. Мен ҳам унга ўхшаган жангчиман.
Наояни ҳурмат қиламан, лекин биз рингга чиқамиз ва жанг қиламиз. Бу бокс. Сиз зарбалар қабул қилиб оласиз. Унинг кимлигини билиб жангга кираман. Рингда содир бўлиши мумкин бўлган ҳамма нарсага тайёр бўлишим керак. Унинг ҳам мен каби иккита қўли ва икки оёғи бор, шундай экан, менда имконият етарлича", деди Карденас.
Ушбу жанг бизнинг вақт билан эртага тонг саҳарда Лас-Вегас шаҳрида ўтказилади.
Ҳавола :
Манба : BoxingScene
Фикрлар