18 сен 08:10
Янгиликлар

Теннис

Раонич Рим "Мастерс"даги иштирокини якунлади

Италиянинг Рим шаҳрида теннис бўйича "Мастерс" сериясига кирувчи нуфузли турнир бўлиб ўтмоқда.

Бироз кутилмаганда дунёнинг 19-ракеткаси Милош Раонич иккинчи даврада мағлубият аламини тотиб кўрди. Канадалик теннисчи 2 соату 32 дақиқа давом этган баҳсда рейтингнинг 25-поғонасидан жой олган сербиялик Душан Лайовичга ютқазиб қўйди - 6/7(3), 6/4, 2/6.

Ҳар икки теннисчи ҳам учрашув давомида 8 тадан эйс зарбасини амалга оширишди. Бу уларнинг ўзаро ўтказган иккинчи учрашуви эди - 1:1. Энди Душан Internazionali BNL D'Italia турнирининг учинчи босқичида дунёнинг иккинчи ракеткаси, испаниялик Рафаэль Надалга қарши кортга чиқади.