17 май 16:07
Янгиликлар

Бокс/ММА

Рақамланган UFC 318 турнири яна бир жанг билан бойиди + ПОСТЕР

20 июль куни АҚШнинг Луизиана штати Янги Орлеан шаҳрида UFC 318 турнири ташкил этилади.

Ташкилотчилар томонидан ушбу рақамланган UFC 318 турнирининг яна бир жанги тасдиқланди. Яримўрта вазн тоифасида америкалик аралаш яккакураш устаси Нил Мэгни Исландия вакили Гуннар Нельсонга қарши октагонга чиқади.

Маълумот учун, Нил Мэгни сўнгги жангини 2024 йилнинг ноябрь ойида ташкил этилган UFC Fight Night 247 турнири доирасида Карлос Пратесга қарши ўтказиб, биринчи раунддаёқ нокаут эвазига мағлуб бўлган эди. Унинг ҳисобида 29 ғалаба ва 13 мағлубият бор.

Гуннар Нельсон эса охирги жангини шу йилнинг март ойида UFC Fight Night 255 турнирида тажрибали Кевин Холландга қарши ўтказиб, очколар ҳисобига кўра имкониятни бой бериб қўйганди. Гуннарнинг ММАдаги рекорди - 19 ғалаба, 6 мағлубият ва 1 дурангни ташкил қилмоқда.