Расман! Арман Царукяннинг навбатдаги жанги тасдиқланди + ПОСТЕР

Арман Царукян 22 ноябрь куни Қатар пойтахти Доҳа шаҳрида ўтказиладиган UFC турнирида октагонга чиқади. Унинг рақиби кутилганидек, UFC рейтингида 6-ўринни эгаллаб турган Янги Зеландия жангчиси Дэн Хукер бўлади. Бу ҳақда расман UFC промоушени матбуот хизмати хабар берди. 

Маълумот учун, 28 ёшли Арман Царукян 2019 йилда дунёнинг энг кучли Лигасида дебют қилган. Ҳозирча сўнгги жангини 13 апрель куни Лас-Вегас (АҚШ, Невада штати) шаҳрида ташкил этилган юбилей UFC 300 турнири доирасида собиқ UFC чемпиони бразилиялик Чарльз Оливейрага қарши ўтказиб, рақибини очколар ҳисобига кўра мағлуб этганди. 

35 ёшли Дэн Хукер эса охирги жангини 2024 йилнинг 17 август куни Австралиянинг Перт шаҳрида ўтган UFC 305 турнирида польшалик Матеуш Гамротга қарши ўтказганди. Ўшанда Дэн ҳакамларнинг айри қарори билан рақибидан устун келган эди. Унинг ҳисобида 24 ғалаба (18 таси нокаут билан) ва 12 мағлубият бор.