19 июл 23:18
Янгиликлар

Бокс/ММА

Расман. Баҳодир Жалолов Top Rank промоутерлик компанияси билан шартнома имзолади, унинг янги ташкилотдаги илк жанги қачон бўлиб ўтиши ҳам айтилди + ПОСТЕР

Оғир вазн тоифасида ўзбекистонлик енгилмас профессионал боксчи Баҳодир Жалолов (12-0-0) Боб Арумга тегишли Top Rank промутерлик компанияси билан шартнома имзолади.

Ташкилотнинг маълум қилишича, ҳамюртимиз Top Rank билан кўп йиллик битимга имзо чеккан.

Шунингдек, Top Rank матбуот хизмати Баҳодир Жалоловнинг ташкилот билан ҳамкорликдаги илк жанги 26 август куни АҚШнинг Оклахома штати, Тулса шаҳрида бўлиб ўтишини эълон қилди. Жалоловнинг жанги асосий кард доирасида ўтказилади, аммо ҳозирча унга ким рақиблик қилиши маълум эмас.

Маълумот учун, мазкур бокс оқшомининг марказий жанги америкалик Жаред Андерсон (15-0-0) ҳамда украиналик Андрей Руденко (35-6-0) ўртасида кечади.