Расман. Бектемир Мелиқўзиевнинг навбатдаги жанги тасдиқланди. Ғалаба ҳамюртимизга титул жангини беради

Ҳамюртимиз аввал хабар берилганидек, 30 май куни Лас-Вегас шаҳридаги Virgin Hotels мажмуасида ташкил этиладиган проф бокс оқшомида иштирок этади.

29 яшар ҳамюртимизга ўша куни америкалик Дарьюс Фулгхэм рақиблик қилади. Жанг суперўрта вазн тоифасидаги WBA Элиминатори мақомида ўтказилади. Беллашув ғолиби кейинги жангини айнан титул учун ўтказади. Мелиқўзиев айни дамда ушбу ташкилот рейтингида учинчи ўринни эгаллаб турган бўлса, Фулгхэм тўртинчи поғонада бормоқда.

Супер ўрта вазн тоифасида мексикалик Сауль Альварес WBA Super камари соҳиби бўлса, Калеб Плант вақтинчалик камарга эгалик қилади. Шунингдек, Увель Эрнандес WBA Gold чемпиони ҳисобланади.

Маълумот учун, Бектемир фаолияти давомида ҳозирга қадар 16 та жанг ўтказиб, 15 та ғалаба (10 КО) ва 1 та мағлубият қайд этган. Дарьюс ҳисобида эса 14 та жангда қўлга киритилган 14 та ғалаба (12 КО) бор.