03 фев 15:28
Янгиликлар

Футбол

Расман: Бензема — "Ал Ҳилол" футболчиси

Франциялик ҳужумчи Карим Бензема Саудия Арабистонининг "Ал Ҳилол" жамоаси билан шартнома имзолади.

Бу ҳақда клуб матбуот хизмати хабар берди.

38 ёшли форвард янги клубига эркин агент сифатида қўшилиб, 1,5 йиллик шартномага имзо чекди. Маълум бўлишича, таржрибали футболчи 90-рақам остида тўп тепади.

Бенземанинг аввалги клуби "Ал Иттиҳод" бўлиб, у жамоа билан ўтган мавсум Саудия Арабистони чемпионлигини қўлга киритганди.

Бензема фаолиятининг катта қисмини "Реал" сафида ўтказган. Мадрид клуби билан у 25 та совринни қўлга киритган, жумладан Испания чемпионлигини 4 марта, Чемпионлар Лигасини ва Клублар ўртасидаги Жаҳон чемпионатини 5 мартадан ютган.

Карим Бензема — "Олтин тўп-2022" соҳиби. У Франция терма жамоаси либосида 2007-2015 ва 2021-2022 йилларда ўйнаган. Миллий жамоа билан УЕФА Миллатлар Лигаси-2020/2021 ғолиблигини ва ЖЧ-2022 кумуш медалини қўлга киритган.