04 фев 13:23
Янгиликлар
Футбол
Расман: "Фенербахче" Н'Голо Канте билан шартнома имзолади
Туркиянинг "Фенербахче" клуби "Ал-Иттиҳод" жамоаси марказий ярим ҳимоячиси Н'Голо Канте билан шартнома имзолаганини расман маълум қилди.
"Баъзи ҳикоялар вақт талаб қилади, аммо якунланмай қолмайди. Бизнинг "Фенербахче"мизга хуш келибсиз, Н'Голо Канте", — деб ёзди клуб матбуот хизмати Х ижтимоий тармоғида.
Аввалроқ инсайдер Фабрицио Романо "Фенербахче" ва "Ал-Иттиҳод" ҳужжатларни расмийлаштиришда юзага келган муаммолардан кейин трансфер бўйича ФИФАдан "яшил чироқ" олганини хабар қилганди.
Маълум қилинишича, футболчи ва турк клуби ўртасидаги шартнома 2028 йил июнига қадар мўлжалланган.
Эслатиб ўтамиз, ҳужжатлар билан боғлиқ муаммолар сабаб келишув трансфер ойнаси даврида расмийлаштирилмаган эди. Шундан сўнг турк клуби "Ал-Иттиҳод" раҳбариятини трансфер барбод бўлишида айблаган.
Ҳавола :
Манба : championat.asia
Фикрлар