10 сен 10:18
Янгиликлар

Бокс/ММА

Расман! Жаҳонгир Жумаевнинг навбатдаги жанг санаси ва рақиби маълум + ПОСТЕР

28 сентябрь куни Бирлашган Араб Амирликлари пойтахти Абу-Даби шаҳридаги "ADNEC" мажмуасида ММА бўйича UAE Warriors 54 турнири ўтказилади.

Биз учун аҳамиятлиси, ушбу оқшом доирасида ўзбекистонлик таниқли ММА жангчиси Жаҳонгир Жумаев ҳам октагонга кўтариладиган бўлди. Ярим ўрта вазнли ҳамюртимизга ўша куни украиналик Кирилл Горобец рақиблик қилади.

Маълумот учун, 31 ёшли Жумаев ҳозирга қадар 14 та жанг ўтказиб, 11 ғалаба ва 3 мағлубият қайд этган. У сўнгги жангини 18 май куни UAE Warriors 50 турнири доирасида собиқ UFC вакили Андре Фиальога қарши ўтказиб, нокаут эвазига зафар қучганди. 30 ёшли Горобецнинг ҳисобида эса 12 ғалаба ва 3 мағлубият бор. У ONE Championship собиқ жангчиси ҳисобланади.