03 окт 14:06
Янгиликлар

Волейбол

Расман. Ўзбекистонда волейбол бўйича Жаҳон чемпионати ўтказилади

Бу ҳақда Тошкент сафарида бўлган Халқаро волейбол федерацияси (FIVB) президенти Ари Грасса маълум қилди.

Аввал хабар берганимиздек, 2025 йилда Тошкент шаҳрида 19 ёшгача бўлган ўсмирлар ўртасидаги Жаҳон чемпионати ташкил этилади.

Ушбу ёш тоифасидаги сўнгги жаҳон чемпионати 2023 йил Аргентинанинг Сан-Хуан шаҳрида ўтказилиб, Франция терма жамоасининг ғалабаси билан якунланганди. Французлар финал учрашувида Эрон терма жамоасини 3:1 ҳисобида мағлуб этишганди. Жаҳон чемпионатининг бронза медаллари АҚШдан 3:1 ҳисобида устун келган Корея Республикасига насиб қилган эди.

Маълумот учун, 2025 йилги катталар ўртасидаги жаҳон чемпионатига тарихда илк бор Филиппин (12-28 сентябрь, эркаклар жамоалари ўртасида) ҳамда Таиланд (22 август - 7 сентябрь, аёллар жамоалари ўртасида) давлатлари мезбонлик қилади.