08 ноя 11:44
Янгиликлар

Бокс/ММА

Расман! Ўзбекистонлик боксчи Райан Гарсиянинг собиқ рақиби билан жанг қилади + ПОСТЕР

16 ноябрь куни Саудия Арабистонининг Ар-Риёд шаҳрида профессионал бокс бўйича Riyadh Season мавсумининг навбатдаги оқшоми ўтказилади.

Аввал хабар берганимиздек, ушбу турнир доирасида биринчи яримўрта вазн тоифасида WBA камари учун икки карра собиқ даъвогар Ботир Аҳмедов ҳам рингга кўтарилади.

Унга WBA рейтингида 9-ўринни эгаллаб турган америкалик Оскар Дуарте рақиблик қилади. Дуарте 2023 йил декабрь ойида таниқли боксчи Райан Гарсияга қарши жанг қилиб, мағлуб бўлганди. Кейин эса апрель ойида Жозеф Диас устидан ғалаба қозонди.

Қайд этиш жоиз, Ботир Аҳмедов мазкур жангга 10 кун қолганида захира варианти сифатида розилик берди. У WBA рейтингида иккинчи ўриндаги Кеннет Симмснинг ўрнига рингга чиқади.