02 фев 17:17
Янгиликлар

Қишки спорт турлари, Харбин-2025

Расман. Россия Ўзбекистонга ўтишини "истамаган" уч рус спортчисига Халқаро конькичилар иттифоқи рухсат берди, улар қишки Осиё ўйинларида қатнашади!

ISU россиялик спортчилар — конькида югурувчи Данила Семериков ҳамда шорт-трекчилар Денис Айрапетян ва Даниил Ейбогнинг Ўзбекистон терма жамоасига ўтишини маъқуллади.

Аввалроқ, спортчилар Россия конькичилар иттифоқи томонидан икки йиллик карантинга дучор бўлганди.

Энди улар Ўзбекистон терма жамоаси сафида 7-14 февраль кунлари бўлиб ўтадиган Харбин-2025 IX қишки Осиё ўйинларида қатнашишади. Бу ҳақда Семериков ва бундан ташқари, Россия конькичилар иттифоқи раиси Николай Гульяев маълум қилди.

(суратда Данила Семериков)

"Россия конькичилар иттифоқи карантинидан озод бўлдим ва ISU'дан тасдиқнома олдим. Энди халқаро мусобақаларда қатнаша оламан. Биринчиси Осиё ўйинлари бўлади", дейди конькида югурувчи Данила Семериков.

"Ҳа, биз карантин муддатини қисқартирдик", дея айтиб ўтган Николай Гульяев.

Матч ТВ хабарига кўра, спортчилар Ўзбекистон миллий терма жамоаси таркибида халқаро мусобақаларга йўлланма олганликлари тўғрисида ISU томонидан сертификатлар берилган.