13 мар 09:00
Янгиликлар

Бокс/ММА

Расман! UFC чемпион Хамзат Чимаевнинг кейинги рақиби ким бўлишини эълон қилди (ПОСТЕР)

Ўрта вазн тоифасида амалдаги UFC чемпиони Хамзат Чимаев ўзининг илк камар ҳимоя жангини ўтказади.

Унга собиқ чемпион, америкалик Шон Стрикленд рақиб бўлади.

Мазкур титул беллашуви 9 май куни АҚШнинг Ньюарк шаҳрида ташкил этиладиган UFC 328 турнирининг марказий баҳси сифатида ўтказилади.

Асли чеченистонлик, ҳозирда БАА шарафини ҳимоя қилаётган 31 ёшли "Борз" Чимаев фаолияти давомида ҳозиргача 15 та жанг ўтказиб, барчасида ғалаба қозонган. У охирги жангида ЖАР вакили Дрикюс Дю Плессини мағлуб этиш орқали ўрта вазн тоифасидаги чемпионлик камарини қўлга киритган эди.

35 яшар Шон Стрикленд ҳисобида эса 30 та ғалаба ва 7 та мағлубият мавжуд. У 2023-2025 йиллар давомида UFC чемпиони унвонига эгалик қилган.