08 дек 09:39
Янгиликлар

Бокс/ММА

Расман! UFC февраль ойи учун иккита чемпионлик жангини эълон қилди

2025 йилнинг 9 февраль куни Австралиянинг Сидней шаҳрида UFC 312 турнири ташкил этилади.

Лига матбуот хизмати турнирдан ўрин олган иккита чемпионлик жангини эълон қилди.

Ўрта вазн тоифасида UFC камари соҳиби, жанубий африкалик Дрикюс Дю Плесси америкалик даъвогар Шон Стриклендга қарши реванш жангида октагонга кўтарилади. Уларнинг илк жангида Дю Плесси очколар ҳисобига кўра ғалаба қозонган эди.

Бундан ташқари, аёллар ўртасида минимал вазн тоифасида UFC чемпиони, 35 ёшли хитойлик Вейли Жанг АҚШ вакиласи Татьяна Суаресдан ўз камарини ҳимоя қилишга уриниб кўради.

Қайд этиш жоиз, Суарес ҳозирча мағлубият нималигини билмасдан келмоқда.