18 мар 14:27
Янгиликлар

Бокс/ММА

Расман. UFC Vegas 91 турнирининг марказий жанги эълон қилинди + ПОСТЕР

27 апрель куни АҚШнинг Лас-Вегас шаҳрида жойлашган "UFC Apex" аренада UFC Vegas 91 турнири ташкил этилади.

Ташкилотчилар оқшомнинг марказий жангини эълон қилишди.

Унга кўра, ўта енгил вазн UFC рейтингида бешинчи ўринда бораётган бразилиялик аралаш яккакураш устаси Матеус Николау (19-3-1) турнир доирасида октагонга чиқади. Унга рейтингнинг олтинчи поғонасидаги португалиялик Манель Капе (19-6-1) рақиблик қилади. Жанг 5 раунд этиб белгиланган.

Бундан ташқари, ушу турнирда польшалик Матеуш Ребецки Испания вакили Жоель Альваресга қарши октагонга чиқса, икки нафар бразилиялик жангчилар - Ариане Липски ҳамда Карине Сильва ўзаро тўқнаш келишади.