21 июл 08:15
Янгиликлар

Бокс/ММА

Расман: UFC'дан кетган Маҳмуд Мурадовнинг навбатдаги жанг санаси ва манзили эълон қилинди

Ўзбекистонлик аралаш яккакураш устаси, собиқ UFC жангчиси Маҳмуд Мурадовнинг кейинги жанги борасида маълумот берилди.

Ҳамюртимиз 21 сентябрь куни OktagonMMA 61 турнири доирасида жанг қилади. Ушбу оқшом Чехиянинг Брно шаҳридаги "Winning Group Arena" мажмуасида ташкил этилади. Ҳозирча Мурадовга ким рақиблик қилиши эълон қилинмаган.

Хабарларга қараганда, ҳамюртимиз OktagonMMA'даги илк жангини ушбу Лиганинг ўрта вазн тоифаси чемпиони Патрик Кинчлига қарши ўтказиши мумкин. Мурадов 2019-2024 йиллар давомида UFC'да жанг қилиб, 4 ғалаба ва 2 мағлубият қайд этган.