09 окт 17:55
Янгиликлар
Бокс/ММА
Расман. Хотамбек Бойназаров UAE Warrios чемпионлик камари учун жанг қилади
Ярим ўрта вазнли ўзбекистонлик аралаш якка кураш устаси Хотамбек Бойназаровнинг кейинги жанги тафсилотлари аниқ бўлди.
Ҳамюртимиз 22 октябрь куни Абу-Дабида (БАА) ташкил этиладиган UAE Warrios 55 мусобақасининг марказий жангида октагонга кўтарилади.
Бойназаровга ўша куни ярим ўрта вазн тоифасида UAE Warriors чемпиони, озарбайжонлик Тагир Абдуллаев рақиблик қилади.
Жанг 5 раунд этиб белгиланган.
Бойназаров шу кунгача 9 та жанг ўтказиб, уларнинг барчасида рақибларидан устун келган. Сўнгги жангини 27 июль куни AE Warriors 51 турнирида грузиялик Гиорги Эгнаташвилига қарши ўтказиб, очколар ҳисобига кўра ғолиб бўлган.
Тагир Абдуллаевнинг ҳисобида эса 17 та ғалаба ва 2 та мағлубият бор. Охирги жангини май ойида бўлиб ўтган UAE Warriors 50 турнири доирасида Шахбан Алхасовга қарши ўтказган Абдуллаев нокаут орқали зафар қучган эди.
Ҳавола :
Манба : olamsport.com
Фикрлар