02 янв 19:31
Янгиликлар

Бокс/ММА

Раунтри Перейрага қарши жанг ҳақида: "Нокаут пайти ҳам бахтиёр эдим"

Яримоғир вазнда UFC камари учун собиқ даъвогар Халил Раунтри чемпион Алекс Перейрага қарши ўтказган қонли жангини яна бир бор эсга олди.

Америкалик аралаш яккакураш устаси ўшанда бразилиялик рақибига ютқазганди.

"Алексга қарши нафақат жанг қилиш, балки стердаун пайти қараб туриш ҳам жуда мушкул эди. Лекин шуни била туриб, ўзим бу жангни сўраб олгандим. У катта юлдуз. Алекс жуда кучли жангчи. Ишонасизми, мен нокаут ҳолатимда ҳам бахтиёр эдим. Ўзим тўрт раунд давом этган жанг давомида ўзимни шундай ҳис қилдим. Чунки, мен ўзим истаган рақиб билан жанг ўтказгандим", — дея Раунтрининг сўзларини келтирди MMAJunkie.

Эслатиб ўтамиз, Перейра ва Раунтри ўртасидаги жанг АҚШнинг Солт-Лейк-Сити шаҳрида ташкил этилган UFC 307 турнири доирасида ўтказилиб, бразилиялик чемпионнинг тўртинчи раунддаги нокаутли ғалабаси билан якунланган эди.