Райан Гарсия жарроҳлик столига ётади

"Мен кечирим сўрамоқчиман. Кечирасизлар, бу жангнинг кечиктирилишига сабабчи бўлдим. Бунга мажбур бўлиб қолдим. Машғулот чоғида ўнг билагимдан жароҳат олдим ва шифокорлар билан гаплашганимдан кейин операция қилишим кераклигини билдим. 

Даволаниш учун бироз вақт керак. RIZIN ва Fanmio'га имконият учун раҳмат айтмоқчиман ва тез орада Японияда жанг қилиш истагидаман. Буларнинг барчаси тузалиб сафга қайтганимдан сўнг амалга ошади. Анпо билан бошлаган ишимизни охирига етказиш учун қайтиб келаман, бунга кафолат бераман!", деди Гарсия.

Қизиғи, ушбу жанг аслида ноябрь ойининг охирларида ўтказилиши керак эди. Кейин 30 декабрга белгиланди ва мана яна жанг номаълум муддатга қолдирилди. 26 ёшли Гарсия ҳамда япониялик 29 яшар Руки Анпонинг 2 дақиқадан иборат 8 раундлик жанги 69,4 кг вазн тоифасида ўтказилиши белгиланган.