Райан Гарсия мураббийи билан хайрлашди

Енгил вазн тоифасидаги таниқли боксчи Райан Гарсия мураббийини алмаштирди. У 9 апрель куни янги устози қўл остида илк жангини ўтказади. 

Гарсия ўз қарорини ижтимоий тармоқлар орқали маълум қилди:

"Бундан буён мен Халқаро бокс шон-шараф зали аъзоси Жо Гуссен ҳамда унинг отаси Генри Гарсия билан машғулот ўтказишимни мамнуният билан эълон қиламан. Жо ўз фаолиятида чемпион боксчилар билан бир неча ўн йиллаб муваффақиятли ишлаган. Мен ўсмирлигимда у билан бирга машғулот қилганман ва бизнинг муносбатларимиз яхши. Мен биргаликдаги саргузаштларимизни тезроқ давом эттиришимизни интиқлик билан кутяпман. Энди Сан-Диегодаги залда машғулот ўтказаман. Мақсадим ўзгармаган - жаҳон чемпиони бўлиш".

Боксчи сўнгги 3,5 йилни бирга ўтказган Рейносога миннатдорчилик билдирди:

"Мен унга ҳаммаси учун раҳмат айтмоқчиман. Эдди 2018 йилдан бери менинг бурчагимда ишлади. Мен ундан кўп нарсани ўргандим. Мен шунчаки ринг ичидаги машғулотлар ҳақида гапирмаяпман. Биз ажойиб дўстона муносабатлар ўрнатдик, бунинг учун мен ундан ҳамиша миннатдорман. Бутун жамоам номидан Эддига келажакда ҳам худди шундай муваффақиятлар тилайман".