06 мар 14:37
Янгиликлар

Бокс/ММА

Райан Гарсия ва Роландо Ромеро Нью-Йорк марказида кўз уриштиришди

Келиб чиқиши мексикалик, ҳозирда АҚШ шарафини ҳимоя қилувчи Райан Гарсия ватандоши Роландо Ромеро билан юзма-юз келди.

Face to face маросими Нью-Йоркнинг Манхэттенидаги "Таймс-сквер"да бўлиб ўтди. Бу икки америкаликнинг жанги 2 май куни Нью-Йорк шаҳрида ўтказилади. Боксчилар яримўрта вазн тоифасида WBA Regular камари учун рингга кўтарилишади.

Маълумот учун, Райан Гарсия ўзининг сўнгги жангини 2024 йилнинг апрелида енгил вазнда собиқ мутлақ жаҳон чемпиони Девин Хейнига қарши ўтказиб, рақибини очколар ҳисобига кўра мағлуб этганди. Аммо кейинчалик Гарсиянинг допинг учун топширган тест-таҳлили ижобий натижа бергани учун жанг натижаси бекор қилинганди. Роландо Ромеро ҳисобида 16 ғалаба ва 2 мағлубият бор. Ғалабаларининг 13 тасини муддатидан олдин қўлга киритган.