09 мар 21:41
Янгиликлар
Бокс/ММА
Райҳона Қодирова 1/4 финалда рингга кўтарилди
Иорданиянинг Амман шаҳрида бокс бўйича Осиё/Океания минтақалари учун Токио Олимпиадасига йўлланма берувчи мусобақа давом этмоқда.
Ҳозиргина ҳамюртимиз Райҳона Қодирова (-60 кг) чорак финал жангини якунлади. Илк даврада Янги Зеландия вакиласи Трой Гартонни мағлуб этган юртдошимиз ярим финал чиптаси учун таиландлик Судапорн Сисондига қарши рингга кўтарилди.
Афсуски, ушбу жангда жаҳон чемпионати совриндори ҳисобланган Судапорн 5:0 ҳисобида ғалаба қозониб, ярим финалга йўл олди ва шу билан бирга Токио Олимпиадаси йўлланмасини қўлга киритди. Бу вазнда тўртта йўлланма ўйналиши боис боксчимиз лицензияга эга чиқа олмади. Ушбу мусобақа Райҳона Қодирова учун катта тажриба бўлди.
Ҳавола :
Манба : olamsport.com
Фикрлар