13 сен 17:17
Янгиликлар

Футбол

"Реал" Куртуа ва Азардан сўнг яна бир "Челси" футболчисига кўз тикмоқда

"Челси" ярим ҳимоячиси Нголо Кантега "Реал" бош мураббийи Зинедин Зидан қизиқиш билдирмоқда.

Мадрид клуби кейинги йили франциялик хавбек бўйича "кўклар"га таклиф билан чиқмоқчи. Бундан ташқари "Реал" ПСЖ форвардлари Килиан Мбаппе ва Неймарга, шунингдек МЮ хавбеки Поль Погбага ҳам қизиқишда давом этмоқда. "Челси" ҳам Кантега мадридликлар қизиқаётганлигидан хабардор.

Жамоанинг собиқ футболчилари Тибо Куртуа ва Эден Азарлар суҳбатларида "Реал"да Кантедек ўйинчи йўқлигини таъкидлашган.

Кантенинг "аристократлар" билан тузган шартномаси 2023 йилга қадар мўлжалланган. Унинг бозор нархи 100 миллион еврони ташкил этади.