"Реал" "Ливерпуль"нинг 70 млн евролик футболчисини сотиб олиши мумкин

Гап аргентиналик Алексис Мак Аллистер ҳақида кетмоқда. "Ливерпуль"даги манбаларнинг тасдиқлашича, футболчи борасида клубга бир нечта норасмий таклиф келиб тушган. "Реал" Мак Аллистерни келаси йил, Лука Модрич ва Тони Кроослар жамоани тарк этганда сотиб олмоқчи. 

Аргентиналик ярим ҳимоячининг шартномасидаги товон пули 70 млн. еврони ташкил қилади. Жорий мавсум 25 ёшли хавбек 32 та учрашувда майдонга тушиб, 4 та гол урди ва 5 та голли пас берди.