Республика ўсмирлар олий спорт маҳорати мактаби фаолияти билан танишилди

Жами 15 та спорт тури бўйича 800 нафарга яқин спортчи ёшларни тарбиялаётган ушбу спорт таълим муассасасида айни пайтда янги ўқув йилига тайёргарлик, пандемиядан кейинги даврда спортчиларнинг машғулотлар ўтказишлари учун шай ҳолатга келтириш борасида ишлар амалга оширилмоқда.

Бугунги кунда турли спорт турлари бўйича жами 80 нафардан ортиқ Миллий терма жамоа аъзолари ушбу спорт мактабида тарбияланмоқда. Спорт мактабида 2 нафар жаҳон чемпионати, 10 нафар Осиё чемпионати, 57 нафар Ўзбекистон чемпионати ва кубоги ғолиби ва совриндорлари 45 нафар тренерлар қўлида машғулотлар олиб бормоқда.

Республика ўсмирлар олий спорт маҳорати мактабида олимпия спорт турларини янада ривожлантириш, бу борада тренерлар салоҳиятини юксалтириш ва уларнинг машғулотлар жараёнини сифатли олиб боришлари учун керакли кўрсатмалар берилди.

Жисмоний тарбия ва спорт вазирлиги Матбуот хизмати