Республикамиз бўйлаб оммавий спорт тадбирлари мунтазам ўтказилмоқда

Жумладан, Жиззах ва Қашқадарё вилоятида ҳам шундай тадбирлар ўтказилди.

Жиззах шаҳрида вилоят Жисмоний тарбия ва спорт бошқармаси ташаббуси билан ҳамкор ташкилотлар билан биргаликда вилоят аҳолиси иштирокида эрталабки оммавий бадантарбия машғулотлари ва «Соғлом ҳаёт учун 5000 қадам» шиори остида оммавий юриш спорт тадбирлари бўлиб ўтди.

Оммавий тадбирда уч минг нафарга яқин аҳоли иштирок этди. Тадбир эрта тонгда «Суғдиёна» спорт мажмуасида бадантарбия машғулотлари билан бошланди шундан сўнг Шароф Рашидов шох кўчаси бўйлаб «Ёшлар шаҳарчаси»гача бўлган масофа босиб ўтилди.

Қашқадарёда ҳам оммавий бадантарбия ҳамда юриш марафонлари бўлиб ўтди. Тадбирда 7 ёшдан 70 ёшгача бўлган аҳоли фаол иштирок этди. Жиззахда бўлгани каби Қашқадарёда ҳам бадантарбия машғулотлари сўнгра юриш марафони ўтказилди.
 

Бу каби оммавий спорт тадбирлари барча ҳудудларда мунтазам ўтказиб келинмоқда.