Ретро! Президент совғаси "Дамас", оқ-қора тасвирли "Коинот" телевизорлари ёҳуд "Умид ниҳоллари-2006" мусобақасининг ёпилиш маросимидан ФОТОГАЛЕРЕЯ

2006 йилнинг 5-8 май кунлари Қарши шаҳрида мактаб ўқувчилари ўртасида бўлиб ўтган "Умид ниҳоллари-2006" республика спорт мусобақасидан лавҳалар бериб боришда давом этамиз. Бугун эътиборингизга мусобақанинг тантанали ёпилиш маросими акс этган суратларни ҳавола қиламиз.  

Қаршидаги Марказий "Насаф" стадионида ўтказилган байрам тантаналарини бевосита аренада 25 мингга яқин томошабин кузатиб борганди. Умумжамоа ҳисобида кучли учликдан жой олган жамоаларга Президент совғаси сифатида "Дамас" автомобили топширилган эди.     

Шунингдек, "Умид ниҳоллари-2006" ғолибига Президент табригининг асл нусхаси ҳам тақдим этилганди. Алоҳида номинациялар бўйича энг яхши деб топилганларга ўзимизда ишлаб чиқарилган оқ-қора тасвирдаги "Коинот" телевизорлари совға сифатида берилганди.   

Суратлар муаллифи - Алимурод МАМАДАМИНОВ, ўз мухбиримиз