22 май 09:15
Янгиликлар
Теннис
Рим (ATP): Жоковични мағлуб этган Зверев турнир ғолиби бўлди
Италия пойтахти Рим шаҳрида “Мастер” сериясига кирувчи Internazionali BNL d’Italia теннис турнири якунланди.
ATP 1000 тоифасига кирувчи нуфузли мусобақанинг соврин жамғармаси 4 273 775 долларни ташкил қилди. Бош мукофот учун кечган финал баҳсида сербиялик Новак Жокович германиялик Александр Зверевга қарши кортга чиқди.
Бир соату 21 дақиқа давом этган финал баҳси бироз кутилмаган натижа билан якунланди. Дунёнинг 17-ракеткаси бўлган 20 ёшли Зверев кучли ва номдор рақибини 6:4, 6:3 ҳисобида мағлуб этиб, бош мукофотни қўлга киритди.
Римдаги муваффақиятли иштирок Александрга 820,035 евро мукофот пули ҳамда 1000 рейтинг очкосини тақдим этди.
Ҳавола :
Фикрлар